- 歌词
- 专辑列表
- 歌手介绍
叶启田
-
天天醉
[口白]世间实在无奇不有,行行出状元,各有千秋,有的爱风骚,有的爱风流,有的爱赌博啊,有的爱台球,那我的人生观搭项无,取一步饮烧酒,一日若无酒就三日会忧愁,嘿嘿嘿,朋友啊,来喔,酒是咱的好朋友
我手捧酒一杯,你也一杯,咱大家来干杯(哟哟), 爽快饮一杯啊,饮乎醉茫茫,人生成功失败免怨叹(免怨叹), 世间人亲像一场的眠梦,咸酸苦味才欲饮(哟哟), 有几位好景致,咱拢是好兄弟,杯底不通饲金鱼,大家干杯饮落去。
我来敬你一杯,敬伊一杯,咱尽量来干杯(哟哟), 有酒跟有菜啊,不饮是憨呆,小姐烧酒搁再三打来(三打来), 不管有什么天大的困难,酒若饮落心轻松(哟哟), 有几位青春时,咱拢是好兄弟,有酒不饮等何时,大家干杯饮落去。
我跟你化三杯,输拳饮酒,一定要来干杯(哟哟), 啊你先过来我,六连拼八仙哪,有来有去上好化无停(化无停), 大家来饮乎天天醉最好,无烦无恼心清清(哟哟), 有几位好时机,咱拢是好兄弟,烧酒透海免细腻,大家干杯饮落去, 大家干杯饮落去,大家干杯饮落去,大家干杯饮落去。
------------------------------------------
《天天醉》Thian-thian Tsuì 叶启田Ia̍p Khé-tiân
↓↓---(口白)---↓↓ 世间实在无奇不有 sè-kan si̍t-tsāi bû-kî-put-iú 行行出状元 hâng-hâng tshut tsiōng-guân 各有千秋 kok-iú-tshian-tshiu 有的爱风骚 ū-ê ài hong-so 有的爱风流 ū-ê ài hong-liû 有的爱跋筊啊 ū-ê ài pua̍h-kiáu--ah 有的爱挵球 ū-ê ài lòn-kiû 若我的人生观 nā guá ê jîn-sing-kuan 逐项无 ta̍k hāng bô 取一步啉烧酒 tshú tsi̍t-pōo lim-sio-tsiú 一日若无酒 tsi̍t-ji̍t nā bô tsiú 就三日会忧愁 tō sann-ji̍t ē iu-tshiû 嘿嘿嘿 heh heh heh 朋友啊来喔 pîng-iú--ah lâi--ooh 酒是咱的好朋友 tsiú sī lán ê hó-pîng-iú ↑↑---(口白)---↑↑
我手捀酒一杯 guá tshiú phâng tsiú tsi̍t-pue 你也一杯 lí iā tsi̍t-pue 咱逐家来干杯 lán ta̍k-ke lâi kan-pue 爽快啉一杯啊 sóng-khuài lim--tsi̍t-pue ah 啉予醉茫茫 lim hōo tsuì-bâng-bâng 人生成功失败 jîn-sing sîng-kong sit-pāi 免怨叹 bián uàn-thàn 免怨叹 bián uàn-thàn
世间人 sè-kan-lâng 亲像一场的眠梦 tshin-tshiūnn tsi̍t-tiûnn ê bîn-bāng 咸酸苦味才欲啉 kiâm-sng-khóo-bī tsiah bueh lim 有几个好景致 ū kuí ê hó kíng-tì 咱拢是好兄弟 lán lóng-sī hó-hiann-tī 杯底毋通饲金鱼 pue-té m̄-thang tshī kim-hî 逐家干杯啉落去 ta̍k-ke kan-pue lim--lo̍h-khì
我来敬你一杯 guá lâi kìng lí tsi̍t-pue 敬伊一杯 kìng i tsi̍t-pue 咱尽量来干杯 lán tsīn-liōng lâi kan-pue 有酒佮有菜啊 ū tsiú kah ū tshài--ah 毋啉是戆呆 m̄-lim sī gōng-tai 小姐烧酒阁再三打来 sió-tsiá sio-tsiú koh-tsài sann-tánn--lâi 三打来 sann-tánn--lâi
毋管有啥物天大的困难 m̄-kuán ū siánn-mih thinn-tuā ê khùn-lân 酒若啉落心轻松哎哟 tsiú nā lim--lo̍h sim khin-sang 有几个青春时 ū kuí ê tshing-tshun sî 咱拢是好兄弟 lán lóng-sī hó-hiann-tī 有酒毋啉等何时 ū tsiú m̄-lim tán hô-sî 逐家干杯啉落去 ta̍k-ke kan-pue lim--lo̍h-khì
我佮你喝三杯 guá kah lí huah sann-pue 输拳啉酒 su kûn lim tsiú 一定爱来干杯 it-tīng ài lâi kan-pue 啊你啉过来我 ah lí lim kuè-lâi guá 啊六连拼八仙啊 ah la̍k-liân piànn pat-sian--ah 有来有去 ū lâi ū khì 上好喝无停 siōng-hó huah bô thîng 喝无停 huah bô thîng
逐家来啉予天天醉最好 ta̍k-ke lâi lim hōo thian-thian tsuì tsuè hó 无烦无恼心清清 bô-huân-bô-lóo sim tshing-tshing 有几个好时机 ū kuí ê hó sî-ki 咱拢是好兄弟 lán lóng-sī hó-hiann-tī 烧酒透海免细腻 sio-tsiú thàu-hái bián sè-jī 逐家干杯啉落去 ta̍k-ke kan-pue lim--lo̍h-khì
逐家干杯啉落去 ta̍k-ke kan-pue lim--lo̍h-khì 逐家干杯啉落去 ta̍k-ke kan-pue lim--lo̍h-khì 逐家干杯啉落去 ta̍k-ke kan-pue lim--lo̍h-khì
- 感谢 W.B. Chen 修正歌词
- 友站连结: W.B. Chen
|