- 歌词
- 专辑列表
余天&刘福助
-
一样米饲百样人
世间算来归亿十亿人 五花十色拢嘛无相同 来讲性情品行这几层 甘那一样米饲百样人 有好人有歹人 有巧人有憨人 巧人巧巧达项拢也晓 有时巧甲下倒翘翘 规身人爬起来跳 憨人直嘟直 讲话实嘟实 做代志一环一 对人无秘密 人打袂走 狗咬袂号 欢喜也时存是搁也车笨倒 恶人恶恶 恶甲给鸡啄 歪哥刺娶心肝黑落落 三八人半年一千日 先讲讲袂直 生利人真可贵算盘揹地嘴 目周吊秤锤 有赚欢喜大心悸 了钱七孔摄做堆 囝仔人番比霸 枪鼻糊蚊答 查某人爱人褒 讲话真囉唆 竹哥倒菜刀 来讲印度非洲的黑人 人高汉草大 亲像青仔丛 嘴齿哥白白 头毛哥QQ 皮肤黑ㄌ奢 没输每日拢吃彼落火炭元 美国人鼻痘痘 目周浊浊 下颏扣扣 牛排告胖配牛奶 讲话ABC 开嘴狗咬猪 嘻嘻嘻 若哥唸落去落落长烫嘟天 咱人无论黑白也黄色 做事总爱有原则 你看做鸡对爱庆 做人对爱并 少年那是没晓想 吃老嘎对不吃样 有人讨吃不讨赚 厝内甘愿放爹散 有人家伙万贯一堆甘拉山 甘愿勤俭每日劳苦做牛拖 来兴顾嘴无顾身 麻有人规身躯金炽炽 纳袋磅壁定定空壳 麻有破病面青青 身穿绫罗甲纺丝 有人歹猴爱假贤 猴穿衣麻是猴 麻有彼落疯猪假大派 见对查某对袂爱 三当吃饭配菜莆 甘愿俭钱雨查某 劝你不通尚过妄 你吗不通尚过放 劝你不通尚过碱 你吗不通尚过俭 若是好事来罔做 时机那到对有报 脚踏实地无差错 精神安慰有所靠 人讲一样米搁饲百样人
------------------------------------------
《一样米饲百样人》Tsi̍t-iūnn Bí Tshī Pah-iūnn Lâng 刘福助Lâu Hok-tsōo
世间算来几若十亿人 sè-kan sǹg lâi kuí-lō tsa̍p-ik lâng 五花十色拢嘛无相仝 ngóo-hue tsa̍p-sik lóng mā bô sio-kâng 来讲性情品行这几层 lâi kóng sìng-tsîng phín-hīng tsit kuí tsân 干焦一样米饲百样人 kan-tann tsi̍t-iūnn bí tshī pah-iūnn lâng
有好人有歹人 ū hó-lâng ū pháinn-lâng 有巧人有戆人 ū khiáu-lâng ū gōng-lâng 巧人巧巧 khiáu-lâng khiáu-khiáu 逐项拢会晓 ta̍k hāng lóng ē-hiáu 有时巧甲下斗翘翘 ū-sî khiáu kah ē-tàu khiàu-khiàu 规身人起来跳 kui-sin-lâng peh khí-lâi thiàu
戆人直拄直 gōng-lâng ti̍t-tú-ti̍t 讲话实拄实 kóng-uē si̍t-tú-si̍t 做代志一还一 tsuè tāi-tsì tsi̍t huân tsi̍t 对人无祕密 tuì lâng bô pì-bi̍t 人拍袂走 lâng phah bē tsáu 狗咬袂吼 káu kā bē háu 欢喜的时阵 huann-hí ê sî-tsūn 是阁会捙畚斗 sī koh ē tshia-pùn-táu
恶人恶恶 ok-lâng ok-ok 恶甲予鸡啄 ok kah hōo ke tok 歪膏揤斜心肝乌漉漉 uai-ko-tshi̍h-tshua̍h sim-kuann oo-lo̍k-lo̍k 三八人半年一千日 sam-pat-lâng puànn-nî tsi̍t-tshing ji̍t 仙讲讲袂直 sian kóng kóng buē-ti̍t
生理人真可贵 sing-lí-lâng tsin khó-kuì 算盘揹伫喙 sǹg-puânn phāinn tī tshuì 目睭吊秤锤 ba̍k-tsiu tiàu tshìn-thuî 有趁欢喜大心气 ū-thàn huann-hí tuā-sim-khuì 了钱七孔摄做堆 liáu-tsînn tshit-khóng liap tsuè-tui
囡仔人番闭霸 gín-á-lâng huan-pì-pà 擤鼻糊蠓罩 tshìng-phīnn kôo báng-tà 查某人爱人褒 tsa-bóo-lâng ài lâng po 讲话真囉嗦 kóng-uē tsin lo-so 竹篙斗菜刀 更多更详尽歌词 在 ※ Mojim.com 魔镜歌词网 tik-ko tàu tshài-to
来讲印度非洲的乌人 lâi kóng Ìn-tōo Hui-tsiu ê oo-lâng 人悬汉草大 lâng kuân hàn-tsháu tuā 亲像菁仔欉 tshin-tshiūnn tshinn-á-tsâng 喙齿阁白白 tshuì-khí koh pe̍h-pe̍h 头鬃阁虬虬 thâu-tsang koh khiû-khiû 皮肤乌炉酥 phuê-hu oo-lôo-soo 袂输每日拢食彼号火炭箍 buē-su muí-ji̍t lóng tsia̍h hit-lō hué-thuànn khoo
美国人鼻啄啄 bí-kok-lâng phīnn tok-tok 目睭浊浊 ba̍k-tsiu lô-lô 下颏扩扩 ē-hâi khok-khok 牛排𩛩麭配牛奶 gû-pâi kauh pháng phuè gû-ni 讲话ABC kóng-uē e bi si 开喙狗咬猪 khui-tshuì káu kā ti 嘻嘻嘻 hi hi hi 若阁唸落去 nā koh liām--lo̍h-khí 躼躼长透拄天 lò-lò tn̂g thàu tú thinn
咱人无论乌白抑黄色 lán-lâng bô-lūn oo pe̍h ia̍h n̂g-sik 做事总爱有原则 tsò-sū tsóng ài ū guân-tsik 你看做鸡著爱筅 lí khuànn tsò ke tio̍h-ài tshíng 做人著爱反 tsò lâng tio̍h-ài píng 少年若是袂晓想 siàu-liân nā-sī buē-hiáu siūnn 食老敢著毋成样 tsia̍h-lāu kánn tio̍h m̄-tsiânn-iūnn 有人贫惰毋讨趁 ū-lâng pîn-tuānn m̄ thó-thàn 厝内甘愿放家散 tshù-lāi kam-guān pàng ke sàn 有人家伙万贯一堆敢若山 ū-lâng ke-hué bān-kuàn tsi̍t-tui kán-ná suann 甘愿勤俭每日劳苦做牛拖 kam-guān khûn-khiām muí-ji̍t lô-khôo tsò gû thua
来兴顾喙无顾身 Lâi-hin kòo tshuì bô kòo sin 嘛有人规身金簇簇 mā ū-lâng kui-sin kim-tshak-tshak 橐袋仔碰壁定定空壳 lak-tē-á pōng-piah tiānn-tiānn khang-khak 嘛有破病是面青青 mā ū phuà-pīnn sī bīn tshinn-tshinn 身穿绫罗佮纺丝 sin tshīng lîng-lô kah pháng-si 有的䆀猴爱假𠢕 ū-ê bái-kâu ài ké-gâu 猴穿衫嘛是猴 kâu tshīng sann mā sī kâu 嘛有彼号痟猪哥假大派 mā ū hit-lō siáu-ti-ko ké tuā-phài 见着查某就欲爱 kìnn tio̍h tsa-bóo tiō beh ài 三顿食饭配菜脯 sann-tǹg tsia̍h-pn̄g phuè tshài-póo 甘愿俭钱予查某 kam-guān khiām-tsînn hōo tsa-bóo
劝恁毋通伤过懵 khǹg lín m̄-thang siunn-kuè bòng 你嘛毋通伤过放 lí mā m̄-thang siunn-kuè hòng 劝恁毋通伤过咸 khǹg lín m̄-thang siunn-kuè kiâm 你嘛毋通伤过俭 lí mā m̄-thang siunn-kuè khiām 若是好事来罔做 nā-sī hó-sū lâi bóng tsò 时机若到就有报 sî-ki nā kàu tiō ū pò 跤踏实地无差错 kha ta̍h si̍t-tē bô tsha-tshò 精神安慰有所靠 tsing-sîn an-uì ū sóo khò
人讲一样米 lâng kóng tsi̍t-iūnn bí 阁饲百样人 koh tshī pah-iūnn lâng
- 感谢 W.B. Chen 修正歌词
- 友站连结: W.B. Chen
|