- 歌词
- 专辑列表
丽歌
-
今夜八点半
作词:叶俊麟 演唱:方瑞娥
窗外天星闪闪炽 对着镜台笑微微 约来今夜八点半 惦在公园要相见 穿着一领红洋装 抹著水粉点胭脂 看着镜内彼个姑娘 也会心绵绵 心爱的心爱的 你我约会好暗暝 哪会心肝叮叮当当 跳呀跳抹离
彼暝二人有表示 伊真爱我我爱伊 犹原惦在公园内 欣赏月娘到深更 伊的态度真温柔 甲阮真正会投机 想起彼暝甘蜜情景 又来心绵绵 心爱的心爱的 你我约会好暗暝 哪会心肝叮叮当当 跳呀跳抹离
沿路春风吹微微 月也对阮笑嘻嘻 轻松脚步向对着 彼个公园找著伊 应该今夜阮就来 对伊更加糖蜜甜 给伊永远抱着纯情 对阮心绵绵 心爱的心爱的 你我约会好暗暝 哪会心肝叮叮当当 跳呀跳抹离
------------------------------------------
8951/《盈暗八点半》Îng-àm Peh-tiám-puànn 方瑞娥Png Suī-ngôo
窗外天星闪闪烁 thang-guā thinn-tshinn siám-siám-sih 对着镜台笑微微 tuì tio̍h kiànn-tâi tshiò bî-bî 约束今夜八点半 iok-sok kim-iā pueh-tiám puànn 踮在公园欲相见 tiàm-tsāi kong-hn̂g bueh sann-kìnn 穿着一领红洋装 tshīng tio̍h tsi̍t-niá âng iûnn-tsong 抹著水粉点胭脂 buah tio̍h tsuí-hún tiám ian-tsi 看着镜内彼个姑娘 khuànn-tio̍h kiànn-lāi hit ê koo-niû 更多更详尽歌词 在 ※ Mojim.com 魔镜歌词网 也会心绵绵 iā ē sim mî-mî
心爱的心爱的 sim-ài--ê sim-ài--ê 你我约会好暗暝 lí guá iok-huē hó àm-mî 哪会心肝叮叮当当 ná ē sim-kuann tin-tin-tang-tang 跳啊跳袂离 thiàu--ah thiàu buē-lī
今暝两人有表示 kim-mî nn̄g-lâng ū piáu-sī 伊真爱我我爱伊 i tsin ài guá guá ài i 犹原踮在公园内 iu-guân tiàm-tsāi kong-hn̂g lāi 欣赏月娘到深更 him-sióng ge̍h-niû kàu tshim-kinn 伊的态度真温柔 i ê thāi-tōo tsin un-jiû 佮阮真正会投机 kah gún tsin-tsiànn ē tâu-ki 想起彼暝甘蜜情景 siūnn-khí hit-mî kam-bi̍t tsîng-kíng 又来心绵绵 iū lâi sim mî-mî
心爱的心爱的 sim-ài--ê sim-ài--ê 你我约束好暗暝 lí guá iok-sok hó àm-mî 哪会心肝叮叮当当 ná ē sim-kuann tin-tin-tang-tang 跳啊跳袂离 thiàu--ah thiàu buē-lī
沿路春风吹微微 iân-lōo tshun-hong tshue bî-bî 月也对阮笑嘻嘻 ge̍h iā tuì gún tshiò hi-hi 轻松跤步向着你 khin-sang kha-pōo hiòng-tio̍h lí 彼个公园揣著伊 hit ê kong-hn̂g tshuē-tio̍h i 应该今夜阮著来 ing-kai kim-iā gún tio̍h lâi 对伊更加糖蜜甜 tuì i kìng-ka thn̂g-bi̍t-tinn 予伊永远抱着纯情 hōo i íng-uán phō tio̍h sûn-tsîng 对阮心绵绵 tuì gún sim mî-mî
心爱的心爱的 sim-ài--ê sim-ài--ê 你我约束好暗暝 lí guá iok-sok hó àm-mî 哪会心肝叮叮当当 ná ē sim-kuann tin-tin-tang-tang 跳啊跳袂离 thiàu--ah thiàu buē-lī
- 感谢 W.B. Chen 修正歌词
- 友站连结: W.B. Chen
|