- 专辑介绍
- 歌词
- 专辑列表
- 歌手介绍
榕帮
-
360
作词:詹士贤、李家昀、高华辰、林奕硕 作曲:詹士贤、李家昀、高华辰、林奕硕
伊讲囡仔 你无读册你大汉会抾捔 伊讲囡仔 爱揣好工课无以后会抾捔 伊讲囡仔 无娶某生囝老阿你会抾捔 规工踅踅唸东唸西气身恼命有够倒弹 好啊啦 算我共你拜托啦 人两跤钱四跤 按怎逐拢逐无啦 虽然这马逐顿拢食粗饱 但是为著梦想 阮甘愿困涂跤 我有理想无的确别人无 做家己上佮意的代志归工嚓嚓趒 少年吔较冲碰 好哩佳哉我有思考 毋是看着目标就随硞硞傱 头脑精光 向前行袂阁踅玲瑯 像林强 成功 做时代的英雄 继续拼 骨力做 乡里流传我的名 天公囝 我的路 欲伫顶悬横咧行
你毋知阮是 为著理想来降世 注定欲来兴旺祖先献出我一切 原来是阮眠梦袂清醒 点仔胶 黏着跤 我的路 佗位揣
I wanna be the top 所以我骨力拍拼 免予人来喝 永远伫咧向前行 嘿 妈妈 我想欲予你骄傲 日时走伫咧街仔顶绝对拢有风 听话认真读书 别项拢毋管 学校各位老师 呵咾我尚乖 考大学 读硕士 我嘛揣著兴趣 如今我欲出帆 会成功倒转厝 虽然艰苦犹原做 我毋捌后悔 请免烦恼顾腹肚 有青春通好赔 时间逐工咧走 渐渐感觉凶狂 一个人无法越头 莫当做我冲碰 心内知知 这条路无好过 伫我心内 永远会记得你的话 三百六十行 行行拢会出状元 煞毋知最后䞐我一人戆戆哭悲哀
你毋知阮是 为著理想来降世 注定欲来兴旺祖先 献出我一切 原来是阮眠梦袂清醒 点仔胶 黏着跤 我的路 佗位揣
今仔日风真透 头家的面臭臭 拚死咧做 为著头家 面笑笑 是好天抑是风台天 真歹臆著 免数想有人呵咾 莫来骂就好 就算讲满腹的怨气 面嘛是爱笑 自茶店到餐厅到今仔日上班有桌仔 薪水嘛拼袂过外口做乌的哥仔 我的未来不是梦 彼条歌乌白写 便当就乌白食 至少肚皮不会空 逐家拢讲机会是留给准备好的人 但是我看好位拢是老板准备好的人 三分天注定 七分著爱靠后壁 这决定了对人喝抑是予人喝gâu早 王董的囝以后嘛是叫做王董 阮可能准备等后世人
你毋知阮是 为著理想来降世 注定欲来兴旺祖先 献出我一切 原来是阮眠梦袂清醒 点仔胶 黏着跤 我的路 佗位揣
为著理想来降世 你毋知 注定欲来兴旺祖先 献出我一切 原来是阮眠梦袂清醒 点仔胶 黏着跤 我的路 佗位揣
------------------------------------------
21324/《360》Sann-pah La̍k-tsa̍p 榕帮乐团Iông-pang Ga̍k-thuân 林奕硕Lîm I̍k-sik
伊讲囡仔你无读册 i kóng gín-á lí bô tha̍k-tsheh 你大汉会抾捔 lí tuā-hàn ē khioh-ka̍k 伊讲囡仔揣好工课 i kóng gín-á tshuē hó khang-khuè 无以后会抾捔 bô, í-āu ē khioh-ka̍k 伊讲囡仔无娶某生囝 i kóng gín-á bô tshuā-bóo sinn-kiánn 老矣你会抾捔 lāu--ah lí ē khioh-ka̍k 规工踅踅唸东唸西 kui kang se̍h-se̍h liām-tang-liām-sai 气身恼命 khì-sin-lóo-miā 有够倒弹 ū-kàu tò-tuānn
好矣啦 hó--ah lah 算我共你拜托啦 sǹg guá kā lí pài-thok--lah 人两跤钱四跤 lâng nn̄g-kha tsînn sì-kha 按怎逐拢逐无啦 án-tsuánn jio̍k lóng jio̍k bô--lah 虽然这马 sui-jiân tsit-má 逐顿拢食粗饱 ta̍k-tǹg lóng tsia̍h tshoo-pá 但是为著梦想 tān-sī uī-tio̍h bāng-sióng 阮甘愿困涂跤 gún kam-guān khùn thôo-kha
我有理想 guá ū lí-sióng 无的确别人无 bô-tik-khak pa̍t-lâng bô 做家己上佮意的代志 tsò ka-kī siōng kah-ì ê tāi-tsì 规工嚓嚓趒 kui-kang tshia̍k-tshia̍k-tiô 少年的较冲碰 siàu-liân--ê khah tshóng-pōng 好得佳哉我有思考 hó-leh-ka-tsài guá ū su-khó 毋是看着目标 m̄-sī khuànn-tio̍h bo̍k-piau 就随硞硞傱 tō suî kho̍k-kho̍k tsông
头脑精光 thâu-náu tsing-kong 向前行 hiòng-tsiân kiânn 袂阁踅玲瑯 buē koh se̍h-lin-long 像林强成功 tshiūnn Lîm Kiông sîng-kong 做时代的英雄 tsò sî-tāi ê ing-hiông 继续拼 kè-sio̍k piànn 骨力做 kut-la̍t tsò 乡里流传我的名 hiong-lí liû-thuân guá ê miâ 天公囝 thinn-kong-kiánn 我的路 guá ê lōo 欲伫顶悬横咧行 beh tī tíng-kuân huâinn teh kiânn
你毋知阮是 lí m̄-tsai gún sī 为著理想来降世 uī-tio̍h lí-sióng lâi kàng-sè 注定欲来兴旺祖先 tsù-tiānn beh lâi hing-ōng tsóo-sian 献出我一切 hiàn-tshut guá it-tshè 原来是 guân-lâi sī 更多更详尽歌词 在 ※ Mojim.com 魔镜歌词网 阮眠梦袂清醒 gún bîn-bāng buē tshing-tshénn 打马胶黏着跤 tiám-á-ka liâm tio̍h kha 我的路佗位揣 guá ê lōo tó-uī tshuē
I wanna be on the top 所以我骨力拍拼 sóo-í guá kut-la̍t phah-piànn 免予人来喝 bián hōo-lâng lâi huah 永远伫咧向前行 íng-uán tī-leh hiòng-tsiân kiânn 嘿!妈妈 heh! má-mah 我想欲予你骄傲 guá siūnn-beh hōo lí kiau-ngōo 日时行咧街仔顶 ji̍t--sî kiânn leh ke-á-tíng 绝对拢有风 tsua̍t-tuì lóng ū hong 听话认真读书 thiann-uē jīn-tsin tha̍k-tsu 别项拢毋管 pa̍t-hāng lóng m̄-kuán 学校各位老师 ha̍k-hāu kok-uī lāu-su 呵咾我上乖 o-ló guá siōng kuai 考大学读硕士 khó tāi-ha̍k tha̍k si̍k-sū 我嘛揣著兴趣 guá mā tshuē-tio̍h hìng-tshù 如今我欲出航 jû-kim guá beh tshut-hâng 会成功倒转厝 ē sîng-kong tò-tńg tshù
虽然艰苦 sui-jiân kan-khóo 犹原做 iu-guân tsò 我毋捌后悔 guá m̄-bat hiō-hué 请免烦恼顾腹肚 tshiánn bián huân-ló kòo pak-tóo 有青春通好赔 ū tshing-tshun thang-hó puê 时间逐工咧走 sî-kan ta̍k-kang teh tsáu 渐渐感觉凶狂 tsiām-tsiām kám-kak hiong-kông 一个人无法越头 tsi̍t-ê-lâng bô-huat ua̍t-thâu 莫当做我冲碰 mài tòng-tsò guá tshiong-pōng
心内知知 sim-lāi tsai-tsai 这条路无好过 tsit tiâu lōo bô hó-kuè 伫我心内 tī guá sim-lāi 永远会记你的话 íng-uán ē-kì lí ê uē 三百六十行 sann-pah la̍k-tsa̍p hâng 行行拢会出状元 hâng-hâng lóng ē tshut tsiōng-guân 煞毋知最后 suah m̄-tsai tsuè-āu 䞐我一人 tshun guá tsi̍t-lâng 戆戆哭悲哀 gōng-gōng khàu pi-ai
你毋知阮是 lí m̄-tsai gún sī 为著理想来降世 uī-tio̍h lí-sióng lâi kàng-sè 注定欲来兴旺祖先 tsù-tiānn beh lâi hing-ōng tsóo-sian 献出我一切 hiàn-tshut guá it-tshè 原来是 guân-lâi sī 阮眠梦袂清醒 gún bîn-bāng buē tshing-tshénn 打马胶黏着跤 tiám-á-ka liâm tio̍h kha 我的路佗位揣 guá ê lōo tó-uī tshuē
今仔日风真透 kin-á-ji̍t hong tsin thàu 头家的面臭臭 thâu-ke ê bīn tshàu-tshàu 拚死咧做 piànn-sí teh tsò 为著头家面笑笑 uī-tio̍h thâu-ke bīn tshiò-tshiò 是好天抑是风台天 sī hó-thinn ia̍h-sī hong-thai-thinn 真歹臆著 tsin pháinn ioh--tio̍h
免数想有人呵咾 bián siàu-siūnn ū-lâng o-ló 莫来骂就好 mài lâi mē tiō hó 就算讲满腹的怨屈 tiō sǹg-kóng muá-pak ê uàn-khut 面嘛是爱笑 bīn mā sī ài tshiò 自茶店到餐厅 tsū tê-tiàm kàu tshan-thiann 到今仔日 kàu kin-á-ji̍t 上班有桌仔 siōng-pan ū toh-á 薪水嘛拼袂过 sin-suí mā piànn buē-kuè 外口做乌的哥仔 guā-kháu tsò-oo ê ko-á
我的未来不是梦 wǒ de wèilái búshì mèng 彼个歌乌白写 hit-ê kua oo-pe̍h siá 便当着乌白食 piān-tong to̍h oo-pe̍h tsia̍h 至少肚子不会空 zhìshǎo dùzi búhuì kōng 逐家拢讲机会 ta̍k-ke lóng kóng 机会是留给准备好的人 jīhuì shì liú gěi zhǔnbèi hǎo de rén 但我看好位拢是 tān guá khuànn hó-uī lóng-sī 老板准备好的人 lǎobǎn zhǔnbèi hǎo de rén
三分天注定 sann-hun thinn tsù-tiānn 七分著爱靠后壁 tshit-hun tio̍h-ài khò āu-piah 这决定了对人喝 tse kuat-tīng liáu tuì lâng huah 抑是予人喝𠢕早 ia̍h-sī hōo-lâng huah gâu-tsá 王董的囝 Ông-táng ê kiánn 以后嘛是叫做王董 í-āu mā sī kiò-tsò Ông-táng 阮可能准备等后世人 gún khó-lîng tsún-pī tán āu-sì-lâng
你毋知阮是 lí m̄-tsai gún sī 为著理想来降世 uī-tio̍h lí-sióng lâi kàng-sè 注定欲来兴旺祖先 tsù-tiānn beh lâi hing-ōng tsóo-sian 献出我一切 hiàn-tshut guá it-tshè 原来是 guân-lâi sī 阮眠梦袂清醒 gún bîn-bāng buē tshing-tshénn 打马胶黏着跤 tiám-á-ka liâm tio̍h kha 我的路佗位揣 guá ê lōo tó-uī tshuē
- 感谢 W.B. Chen 修正歌词
- 友站连结: W.B. Chen
|